الا يالله ياللي تحت هيبت سلطنتك / سعد بن جدلان

الا يالله يالي تحت هيبت سلطنتك اسلمت
لك المسلم يسبح لك بحمدك ولك الاسلامي

احمدك واشكرك واثني عليك بما علي انعمت
وزدني في وفا بر العشير ووصل الارحامي

ولجت الفجر ياليل الذهول اللي علي اضلمت
بعرضك واقع الماضي عليه عرض الافلامي

ولهتك يالنديم اللي علي صافي وفاك اضرمت
بصفحه ذكريات العام واللي من ورى العامي

بعد تقرير مشوار التجارب نجحك واجزمت
بان السيف سيفي والعصا والمحزم حزامي

عطتني عزلت اخلاصي معك نسيان من نادمت
وكتبتك وانطوت صحفي عليك وجفت اقلامي

اباهي لا ابالي واتبيسط كل ما قدمت
واشب النار قدام العرب واشيد خيامي

نهاري حر شمسه يستحي منها لسان الشمت
وليلي ترجم نجومه ملامة كل من لامي

علي ضي الكلام اللي قشع عنا ستار الصمت
عرفت ان به وجيه باليمن ووجيه بالشامي

احسب انك تيمم با اتجاهي وين مايممت
واثر لا انت ورايه في الطريق ولا انت قدامي

كثر ماحن صدري للونيس وكثر ما درهمت
فجر صدري حنيني واتعب الاقدام درهامي

عيون الصد وعيون التجافي حول مهما اكرمت
تشوف المجتهد كسلان والبناي هدامي

مصيبه لا تردت قيمتك في عين من قيّمت
يشوفك في السهل وانتة تشوفه في السما السامي

ما دام ان جانبي شام ألجنابك وانت عني شمت
كثر خيرك وانا لانيب لاجايع ولا ضامي

اشوف انه علي واجب اليا مريتكم سلمت
مرور اكرام تربطها الكرامه عند الاكرامي

علي شان الخفوق اللي علي عرشه قعدت وقمت
وحجب عنك الدجى لين اشرقت لك بيض الايامي

ختام السالفه يا طيّب العشره كرمت ودمت
هذا حقك علي وحق هقواتي علي اوهامي

مصير الوقت يشرح لك دروسه لو غفلت ونمت
يصحيك الزمان اللي يصحي كل من نامي

تذكرني لامنها خابت اوهامك في من واهمت
وعرفت الفرق في حب الخشوم وحب الاقدامي

شاهد أيضاً

الليل والحلم ..

الليل حلم ، وطلّة الواقع اشراق ..‎ وللنفس حق وخلوّة النفس زينه !! خذيت من …

اترك تعليقاً

لن يتم نشر عنوان بريدك الإلكتروني.

جميع الحقوق محفوظة M3kkaz.com