مجلة معكاز شعر الالكترونيه الثقافيه المنصة الالكترونية الثقافية الفريدة من نوعها تعني بنشر الشعر والأدب القديم والحديث في الساحة الشعبية الخليجية والعربية .
مقالات مشابهة
نقدم لكم
100 تغريده شعر
عسى ان تنال الرضى .
نبدا
انا من الحزن مثل اللي معه سكّر
لا جاني الجرح يبطي مابرا مني
__
ان ضاعت الوقفه بـ سودان الوجيه
ترى مواقفنا .. ماهيب مصنّعه
انسنّع اللي لازمه .. نقدر عليه
حتى اللي مانقدر عليه ، نسنّعه
__
مافيه ثالث والرجال اثنيين
روسٍ تطول وروس ماطالت
__
من خلقة الدنيا الين الحين
" رجل ونعم ورجل ماقالت "
__
اضرب على الكايد نهار الشين
" عنان خيلك لايجي فالت "
__
ياخاطري لاتضيق الله يرضى عليك
الناس قامت وطاحت دون رغباتها
ٰ
وياقلبي لاتحترق لو شعلت النار فيك
لاتفرح عداك حاسدها وشماتها !
__
خذيتني رجال يسند طموحك
هذا جزا الي كان وياك رجال ؟
__
الحظ يرثا له والاماني مطاليق
وفي صدورنا كل النوايا شريفه ..
__
ما بالقلوب البيض فتنه وتحريض
" إمجمله واصحابها جملوها . . . "
والا القلوب السود ما تنقلب بيض
لو كان من سبع البحور اغسلوها
__
إن كان صدر إللي أعزه وسعني . .
ماهمني ضيق الزمن و إتساعه
__
تدري من اللي فوق راسي وانا اخوك
اللي ليا جيته قال انا تحت امرك .
__
وقتي يساومني على حنية الراس
لكن ما رأسي برأس الهديفه
انا ولد قومٍ ليا لبسو الطاس
اللي معه شلفاه واللي بسيفه
__
من تردا في هل المعروف وش مصلوحه
" دام ماعيّن ردا .. ليه ايتردا فيها !! "
__
لو أخاوي ( صاحبي ) طيلة أيام السبوع
لا تسمّيها مجامل ومن دافع نفاق !!
ما يتكّي في عيوني على " مركا وكوع "
غير من وقّف عشاني على " ركبة وساق "
__
قبل انتفارق بعتذر لك .. حبيبي
أسف لأني شخص ماراح تنساه .
__
صاحبي ماحدٍ ضامن حياته لبكرى
كل عمرك ثواني .. والثواني .. قليلة
.
كلنا في نهاية الأمر .. بنصير ذكرى
حاول تصير بين الناس ذكرى جميلة
__
كل حاجة تصير ، مسجّلة في كتاب
ودين الإنسان يظهر باحترامه وحلمه
.
احسب لكل كلمة من لسانك حساب
باكر الله .. يحاسبنا .. على كل كلمة
__
بين الوصل والبعد .. وش محتار فيه
صار ارتياحي معك ما يسوى تعبي
.
وشلون أعرف اللي تبيه .. وما تبيه
إذا أنت نفسك منت عارف وش تبي
__
إذا لم تُغامِر من أجل شَيْء تُحبّه فاصمُت إذَا
خَسرته .
__
حنا نعز الخوي ونموت دون الرفيق
فلا أثقل عليك الحمل حطه على متوننا !
خوينا في عيونه الأرض ما هي تضيق
إن ضاقت الأرض فيه .. تشيله عيوننا !
__
وشلون أسولف وتكرار السوالف مَلل؟
يا سالفة عمري اللي ما عرف غيرها
__
الى متى دمعتك تامر ؟ وتحت أمرها
يصير عذري لها منديل .. ياسيّدي
من عمق طعناتك بقلبي ومن كثرها
أكذّب إن قلت قلبي كبْر قبضة يدي
__
هو جابك الشوق ولا جيت بالصدفه
يالغالي اللي شربت المر فـ غيابك
انا قبل لا أعرفك .. الحزن ما أعرفه
واليوم شوفه يصافحني من أسبابك
__
ما بكيتك !! حتّى لو حزني تشفّى
بالدموع اللي على العزّة ؟ تقدّت !
.
ما بكيت الّا على غالي .. توفّى !
وما ندمت الّا على فُرصة / وعدّت !
__
ماهو بس الطيّب اللي عند ذكره
شوف كيف الجرح طرّيته وجاني!
والسهر والخوف من بكره..وبكره
كلبوها جات..والطيّب نساني!
__
ولو أن حالت بيني وبينه ظروف
يبقىٰ الوحيد اللي ابد ما يتكرر .
__
صحيح فينا حيا و نقدّر الطيبين
لكن لا شفنا المعاضب نبطش و نستبد
تشوفنا بعين حنّا نشوفك بنص عين
تشوفنا بنص عينك ما نشوفك أبد ..
__
الصمت بعض احيان تقليل احترام ،
والاحترام .. اهم من كل الامور
.
الليله .. آخر ليله تمر بـ سلام ،
وآخر حزن وآخر مسج وآخر ظهور !
__
مدري الحين صرت أكرهه وإلا أحبه
لكن أدري وصلت لـ مرحلة ما أبيها
.
أنا .. متوفق بكل حاجة .. إلا المحبة
هذي الحاجة اللي .. ما توفقت فيها
__
الناس فيها مايكفي من الضيق
ولا ورا شكواي غير المذلّـه
ماني بحاجة ناس محتاج توفيق
ماتغني الفزعات عن فزعة الله
__
قولي احبك أكثر منْك ، لا تسكتين
لا تقولين لا من قلت أحبّك : اها ..
__
لا ضاع رسم الطريق وزادت الحيره
فتحت باب السما من دعوة أعماقي
ولا أدري الخير وين ووينها الخِيره
لكنّي أعرف وين مدبّر أرزاقي
__
اربعينه فالشبه [ غادين ] كيف القاهم؟
لو لقيت من اربعينه نص شخص احبه
تاه .. والي يشبهونه عن عيوني تاهم
اخر العنقود | واخر حلم | واخر حبه !
__
مشكلتي إني صدوق وطول عمري صريح
وهالمشكلة من سببها عشت في معمعة
.
بعض البشر ما يبي منْك الكلام الصحيح
يبي تقول الكلام .. اللي يبي يسمعه !
__
يا المال كم لك تكشف المتخاذلين
اللّي يظنّون .. الدراهم واقيه
المال لو يفيد .. فاد الأوليين
و خلّا حياة الأوليين الباقيه !
__
ما نعرف الخذ وهات ولك عليها ضمان
موارث اجدودنا ، ما تشبه جدودها
نْسوي الطيب ما هو لجل "سوىٰ فلان "
لله ، و لا نطلب منْ الناس مردودها .
__
الصدف أصدق مواعيد الشعور
تجمع اللحظه " لقا " و تحبها
__
كيف اتناسا وذاب الشوق من عيني
و مرارة الوقت أنت اللي محليها
__
الغلا اللي كان ينقصه احترامه
ماحفظ عوج الضلوع اللي سكنها !
ٰ
لا توقف بيني وبين … الكرامه
لو أعزك حيل … ما أنت اعز منها !
__
ماهز جفنك غياب وما ذبحك الحنين
تضحك وأنا كن قلبي فوق جمرة غضى
ريح الصبا لو تحرك غصن قاسي يلين
وشلون ما حركت قلبك على ما مضى ؟
__
اواسي المنجرح ، و انا على حده /
مسكين يشكي ولا يدري وش علومي !
( اقوّي عزوم ) خلق الله .. قبل مده /
واليوم ادوّر عن اللي يقوّي عزومي !
__
انا رجل عايش عشان التضحيات !!
امسح دموع الناس واترك دمعتي :
و دي أخسر الناس من كل الفئات //
و لا خسر مبدء ، و شوّه سمعتي !!
__
كنتوا لي اقرب من عيوني للاهداب
من قربكم كنت انجرح لا انجرحتوا
‘
مدري ظروف الوقت خلتكم اغراب
ولاّ لقيتوا .ناس مثلي ..و رحتوا ؟!
__
على الخطايا لاتستغرب رقيق الكلام
لو انك اللي مزعلني من البارحه
،
الصوت وان حمّله ما لايطيق الملام
عليه يا ثقل حِمل الكلمه الجارحه
__
تحسبني عقب هذا الود اعوفك!
واتخلا عنك وانساك بسهوله!!
،
اخ لو تشوفني وشلون اشوفك
كان ماقلت الكلام اللي تقوله
__
كل عبره فالعمر .. جات من ردّ اعتبار
علم الغافل عن أحداث غيره .. ينتبه
.
الشماته .. باب خيبه وحسره وانكسار
جعلني ماضحك على شيّ وابكي بسببه
__
لا تبخل بـ شرك يا باخل بـ خيرك
حبيبك / بـ كل المشاعر حبيبك
.
ما اقول من جابك يبي يجيب غيرك
بـ اقول ( من جابك مرده يجيبك )
__
الصمت ستر وغطا اليا خذلك الكلام
ماكل " كلمه " تحل بواقعك مسأله
__
تبعت نفسي لين طبحت بالشين
وعوّدت اجرجر ضيقتي من خبالي
.
ما كنت احب الليل والبعد .. والحين
صرت اسهر لحالي واسافر لحالي
__
مخنوق .. لكن أنا عن شكوتي منهي :
رغم إني واصل مراحل ما قدر اذكرها !
.
بديت .. استنكر الضحكه على وجهي :
كل ضحكه تمر وجهي صرت اصورها
__
لاتنشدون الحزين التايه الحاير
خلوه وتعبّر عيونه عن شعوره
الناس ماعاد تفهمها على الطاير
ماينفع إلا بروجكتر وصبوره
__
لقيت عيونك السود طب أيامي السود
وأخذت من الرضا نظرتين ورحت تايه
محبتك ماهي ذكريات وعمر محدود
أحبك قبل أعرفك إلى ما لا نهايه
__
يدين الرخوم اللي عطاها شويّ شويّ
غنيين ما نبغى العطى من شويّاها
تحت ظلّ عرش الله وقفت ورفعت إيديّ
وإذا حاجتي مقسومةٍ لي أبلقاها
__
طبيعة الإنسان ماهي بتخفاك ..
وقلبٍ ماهو صوبك فلا يلّد صوبك
إليا رضى ما يذكر الإ مزاياك ..
وإليا زعل ما يذكر الإ عيوبك !!
__
تعبت أحب وأنتظر .. ودّي أكره
وأنسى وأحط لكل ذكرى معه حدّ
ـ
في كل يوم أقول : بـ يردّ بكره
وجا بكره وعشرين بكره ولا ردّ !
__
مشكور على حياتي معك ومجمّل
كانت معك ( غير ) لين الله غيّرها
ـ
مهما بغينا نكمّل .. صعبه نكمّل !
الظاهر ان الحكايه جابت اخرها
__
انت صوتي وابتسامي والتفاتي ،
لـ الحنين اللي ما وقّف عند حده
.
انت تأثير الطبيعه في صفاتي ،
فيك احب بشده او اكره بشده !
__
" كسرني وأنا على المعضلة مقدام
وحطم طموحاتي وضعت بمتاهاته ."
__
تطري علي وأشتاق لك وأتخيلك
وأنسى منامي والتهي في خيالك
__
اليوم أجدد خطه وارسم أحلام
ما للظروف القاسية عندنا صيت
–
الحمد للي يسر أحلامي بعام
حققت فيه أكثر من اللي تمنيت
__
دخيلك ترفّق ترا تحت الجلود قلوب
عثى فيها الزمان المُر وخيّب هقاويها .
__
جفاني النوم .. ما أدري ليه يا نامين
استغفر الله انا ادري بس يا هل ترا
⠀
حبيبي اللـي سهر عيني عشانه سنين
ما قد درا اني سهرت الليل ولاّ درا ؟
⠀
ما من ورا الحب غير الهجرسه والحنين
واثمارة الحب كم بيتٍ في بالي طرا
__
تغيّرت في نفسي اشياء من رحت
ما عـاد يغري القلب ما كان يغريه
ٰ
تخيّل اني من كبر فقدك اصبحت
اسوّي اللي : كنت ما احب اسويه
__
ابي اتركك لو كان لي خاطرٍ فيك
ولو كان ما ودي اقول اتركيني !
.
‘ مسامعي ‘ ما شدّها غير طاريك
الطاري اللي جايب العيد فيني
__
ترى الحياة السعيدة شي رباني
ماتستقيم العباد الا على عباده
الليل خلوة قلوب ان صرت وحداني
من يجتهد فية .. يلقى غاية مرادة
تطيح دمعة .. على فلم وعلى آغاني
وتطيح دمعة على دعوة وسجادة
__
راضي أكون معاك لو يغمرنا السكوت
يكفي شعور الأمان اللي أحسه معاك
__
لبيك من زود حبي لك وتقديرك
يا مرحبابك وين ما ودك توديني
__
"ما عاد وجّه العتب عن شرهتي داري
من صار حكيك قليل و مسكتك رخوه".
__
صابتني التخمه من العذر السمين
ما عاد في جوفي ، مكانٍ للعذر
صرنا من أحداث الليال ، ملكعين
و إلا أول ، أجواد نجامل وانعذر
__
ناسٍ على زلة الاجواد ستّاره
لو تنشد الناس عنها ماتبيّنها
وناسٍ على زلة الاجواد عيّاره
تحب يدري بها اللي مادرى عنها
__
ما دام الأعمار أخرتها لحد
والموت ثوبٍ لابسه ..لابسه
والله ما اشكي واتذلل لأحد
لو ما آكل إلا ، خبزةٍ يابسه .
__
خسرت حلم وتلاشا عزمك الراخي ؟
لا صار لك حظ سيئ لا تصير اسوا
شفنا وحنا نعيش بضحكنا ياخي
واحلامنا حققتها ناس ما تسوى
__
ماينفع الشوق لو زادت الغيبة
والله ياحاجتي لك طاب خاطرها
__
عشنا وشفنا واستفدنا وفدنا
وكلٍ على ما قيل قلبه يصحيه.
__
تعال خذلك داخل الجوف حيّز
خلف الحنايا وين ماجيت حياك
وان كان ودك في خفوقي تميّز
خذ المساحة كلها جعلني فدّاك
__
لا صرت رجال ، عادي لو خسرت الجميع
" منته بـ محتاج شي اكثر من المرجله "
__
على البال لك سجه ولك سيره وتذكار
" اضيعك بالواقع والاقيك في بالي "
__
لا تذخرون الناس لـ اليوم الاسود
بعض الاوادم حدّها بيض الايام .
__
ماعندي الا وجهي اللي تشوفه
ياللي معك لمواجه الناس وجهين .
__
والله اني من شعور الفقد هالك
وين ألاقي لي من الذكرى مفر .
__
صبرنا على العازات والناس مايدرون
وعن مايعيب النفس تكرم شواربنا
عسى الله يجنبنا دروب الردى والهون
وعسى الله يجملنا ليا حل واجبنا .
__
الصدق لو يجرح ترا دايم جميل
قسوة وضوح ولّا غموض يضيّعك
__
مابعد عسر الزمان الا تياسيره
لو سود الايام تفجعنا حقايقها
بنسوقها في رجا اللي مالنا غيره
خلاّق الأنفس وكافلها ورازقها .
__
بدري على اللي يدور عثرتي واللي
تظهر على وجهه الضحكه وهو حاسد .
__
عطيت المراجل راس واوفيتها بالكيل
وصرت انت ياوجه النقا من حبايبها .
__
السالفه ماتقال الا من اولها
اقولها واشكر اللي قالها قبلي
انا الرياجيل انزلها منازلها
اخاوي الكفو منها واترك المبلي
__
إنشغالك في محاربة القرايب
يجعلك لقمه بحلق اعداك سهله
القريب حزام في وقت النوايب
لو يحده للخطاء مرات جهله .
__
بين الجمايل والمراجل علاقات
وبين الضعافه والرخامه علامه
يموت راع الطيب والطيب مامات
يبقى صدى فعل الوفاء والصداقه .
__
لا تبدي بوجهك في لزوم الردي والبوق
حقوق الرجال تضيع من كثر طيبتها
كبار القدر ركبت عليها قلال الذوق
ذبحها السحى لين افقدت نص هيبتها .
__
الاجودي لو بالخلا ساكن خيام
تلقاه بـ الاجواد " عامر مقرّه "
واللاش لو بيته على الشارع العام
( ماغير عمّال النظافه تمره ) .
__
العزله ابرك لي من مقابل الخلق
ماعاد لي فـ مقابل الخلق طاقه .
__
انشهد ، ان الوقت هذا تغيّر
ياراحت الميت ويابلشة الحي
حتى ولو جيت ابن عمك مسيّر
قالو ترى … ماسير الا يبي شى
__
تموت بداخلي خيبة مشاريّهي على الأحباب
ولا شافوا سوى الوجّة السمُوح وبسمة محيّا
__
وشلون ادوّر رضى العالم وانا من الأساس
ماني بـ راضي على نفسي .. تمام الرضى !
__
أكثر شطر واسيت نفسي فيه :
قدامي الدنيا ، والأفراح واجد
__
قسم بالله ماجاني مكابر ، مثل ذاك اليوم
خطيت وقلت ابي منّك تفارقني وانا مابي 🙂
__
نفسي تنازعني علي شي مابيه
وانا مقاومها ولا ارخي رسنها
اخشى الوعيد اللي عظيمه بلاويه
وارجي جنان الخلد مع من سكنها !
__
خل عزمك في متاهات الحياة
عَزْم شايب رايح لـ فرض الفجر
__
تمدحون الوقت ولا تشتكونه ،،
الردا " فالروس " ماهو في زمنا
__
يا رفيقي وانت خابرني صريح
لا تجادلني تراها قافله
في النهايه ما يصح الا الصحيح
لو سهت بعض القلوب الغافله
قل لصعبات الليالي تستريح
العمر والرزق ربي كافله
والكلاب اللي لها صوت وفحيح
لو تنابح ما تضر القافله