مجلة معكاز شعر الالكترونيه الثقافيه المنصة الالكترونية الثقافية الفريدة من نوعها تعني بنشر الشعر والأدب القديم والحديث في الساحة الشعبية الخليجية والعربية .
مقالات مشابهة
ماكل شخص يملي الطيب عينه
بعض البشر لو زاد طيبك تمرد ..
……
أمواتنا راحو تحت ذيك القبور
ماعاد ندري بعدها عن حالهم
ㅤ
يارب زدهم في ظلام القبر نور
وأفسح منازلهم ، وطيّب فالهم.
……
لولا مخافة دمعة أمي لو أغيب
عطيت دربٍٍ مايعود بــ راعية ،،
……
كف المخاليق لاتعطي ولاتمنع
المعطي المانع الوهاب سبحانه
ٰٰ
النفس عاداتها فالزود ماتقنع
لوتملك من الذهب وديان مليانه
……
نعتذر بـالصمت من كبر الجروح
ونبتسم للحزن لو متنا ألم
وش يفيد البوح لو نبغى نبوح
دام بعض البوح يوصل للندم
……
لو تشوف الكل عكس الاتجاة
لا تسوي شي من غير اقتناع
اختـلاف الراي مفهوم الحياة
واتباع الناس مفهوم الضياع .
……
حي الذي من خلقته يكرم الضيف
وله شبة ٍ مع طلعة الشمس دايم
يفداك من خلا المراجل على الكيف
والاّ إنت طول الوقت بالطيب قايم !
……
لاتشره عليّ ان غبت عن دلّه وبراد
تشرهّ علي ان غبت في ساعة الشّده
……
ظروف العمل ماباعدتني عن الاجواد
" مدام إنّ عيني ، للمطاليق ملندّه " ..
……
تبي الكلام الصدق ، بيني وبينك
اسمع معي هالبيت مادمت وياك
من باع كل الناس من شان عينك
حطه بـ عينك ..واجعله نور دنياك .
……
ياللي أتحرى طيحتي ، وانكساري !!
شفني عبرت حدود ظنك ولا طحت
……
الطيب كايد مايجي بالتساهيل ..
ماهو بسلعة ، من بغاها شراها
……
وصوف غيرك ما تشابه وصوفك
مايشبهك هذا ، ولا يشبهك ذاك .
……
يالله اني في ذراك من الفقر والحاجه
ومن وجيهٍ تضحك بوجهي وهي تكرهني
ٰ
ومن رفيقٍ ماعرفنا ،، علته واعلاجه
كل يوم يذمني وان شافني يمدحني .
……
مانجيد الضرب من تحت الحزام
ضربنا في الوجه ماهو فالخفى
حيلة الطرطور والنذل الخمام ..
يبتسم قدمْك ويطعن فالقفى
……
ارض ربك من قبل ترضي الحبايب
الحبايب فالقبر ما ينفعونك
بكره اليا صرت من بين النصايب
بعضهم حتى ما يجون يودعونك .
……
كلما أكثرت النقد
قلت أهميتك !!
……
والله ما مثل التوكل على الله
يملا لك الدنيا سعاده و توفيق
واللي يردد دايم ..أسـتغفر الله
تلقاه مايدري عن الهم والضيق”
……
معك أنا سويت كل اللي علي ..
وأنت مع الأيام بـ تعرف قيمتي
……
تمر الأعوام ،، بس ما هي مرور الكرام !!
تاخذ من الروح ذكرى وامنيات وقصص
……
لا صار طبعي يا أبيض الوجه دمّاح
لا تحسبني " ميت القلب " والروح
بعض الخطايا موجعة كنها رماح
وبعض الخطايا تاخذ شوي وتروح
……
روسٍ خلقها الله لنوم المخده ،،
وروسٍ خلقها الله ليوم العزاوي
……
احداث الايام ترويها شفاة الرواه
اما تجي صالحه والا تجّي طالحه
ياما كسبنا من الخبره بكل اتجاه
بايامنا الحاليه وايامنا المالحه ،،
……
لا تشغل النفس بالدنيا يامال الغناه
الا على الموجبه والسيره الفالحه
اكبر مكاسبك ب شتى دروب الحياه
دينك والاخلاق والذريه الصالحه
……
الطيب فالطيّب سواة الوديعه
تلقاه لا دارت عليك الدواير ..
……
إن قلت شنت وخاطري طاب.. كذاب
وان قلت أبيك ارخصت نفسي بعيني
……
لا تعاتب من تحبه على قل اهتمام
العتب ماعقبه إلا اهتمام مجامله ،،
……
الكريم ليا عطى كنه مايعطي من حلاله
لو طلبته ثوبه اللي لابسه يعطيك ثوبه .
……
يا موصي لا توصي صاحبك يلزم .. رياله !!
وش يسوي بالفلوس اللي تبرت من جيوبه
……
انحني لك شوق وارقى بك غلا
وأستثيرك حب وأعيشك جنون
جعلني من قرب قلبك ما اخلا
وجعلني من دون حبك ما اكون
……
الناس ماتسكت عن الناس ياناس
وهرج القفا ماني بحب استماعه
لاصار مردود الحكي منه الإفلاس
الصمت مكسب والمعزه بضاعه
……
حاولت أتوبك وماتطري على بالي
لكن لقيت الحنين أكبر من التوبه .
……
ياحبني للنفوس اللي على الفطره
اللي على العز ، وقفتها وممشاها
……
يناديني واحس اسمي بصوته غير ..
يا اجمل من نطق اسمي على لسانه
……
لقيت فيه اجمل من اللي تخيلته
ولقيته اوفى حبيب وخيرة احبابي
……
انت حلمٍ لو رميته خلف ظهري
انقضى عمري وانا اطالع ورايه
……
لك حق تلعب بالجناحين ياطير
فالديره الي حظ من هو سكنها
……
ارضى اذا جاك الرضى لو العذر ماهو سمين
ترى التسامح . . ميزة السادة رفيعين المقام
……
هرج القفى في غايب الناس تالف
قلّت حيا وذنوب من دون قيمه ،،
……
لو ان الاماني بـ اتحقق بدون اتعاب
" ترا كلبونه ودنا ، ندخل الجنه "
……
الله يقطع اللي لابغيناه مانلقاه ..
والله يقطع اللي لاصفا ماصفا كلّه
……
القلب واحد والمخاليق عده
ولا هز قلبي بالهوا غير واحد
أنت الوحيد اللي خفوقي تشده
وغيرك أجامل حضرته لا تواجد
……
ماكل من ضاقت بك الارض تلقاه
ولاكل رجلٍ فالمساري ،، دليله
رجلٍ ليامن طحت شالك بيمناه
هذاك لامن طاح ،، واجب تشيله .
……
أنا فدا اللي ما انتظر مني أعذار
وما لامني وأنا أستحق الملامه
ما غير ينشد عن علومي والأخبار
" أخَّر عتابه لي ،، وقدم سلامه "
……
من لبس ثوب الشهامه تحت بشت الظروف
والله إن تكسر حقوق الرياجيل اظهره
والله إن عيوني أحيان تذرف يوم أشوف
" طيّبٍ تومي ظروفه بأزارير انحره "
……
يامرحبا والغيم ساق التباشير
يالله سحابه تقتفيها سحابة
على ربوع بلادنا يمطر الخير
ودعواتنا مّع غيمها مستجابة
……
أشبهه باللي عسيفٍ من الخيل
تلعب و أنا حبل الرسن في يديّا
……
إن مزحنا لجل تخفيف الطعون
إبتلشنا بالصدور الضايقه
وإن سكتنا مامزحنا يزعلون
ما عرفنا كيف نرضي الذايقه
……
والله مايقهر ويكسر معاديك
الا لاشاف عيال عمك ظلالك
……
ياوقت لك ميلات وجروح وهموم
جازيتني بالجرح واشعلت ناري
ً كانت حياتي كلها أفراح / واليوم
زال الفرح وأعلنت فيه أنكساري