مجلة معكاز شعر الالكترونيه الثقافيه المنصة الالكترونية الثقافية الفريدة من نوعها تعني بنشر الشعر والأدب القديم والحديث في الساحة الشعبية الخليجية والعربية .
مقالات مشابهة
" بكره يحيلونك تقاعد وتلقى "
نتايج اللي قد زرعته مع الناس .
……
وتفركني الدنيا مثل ما افرك المسباح
على اللي غيابه يكسر الخاطر و يفجع
يقولون طوّل بالك و يرجع اللي راح
وانا اقول راح اللي ليا راح ما يرجع !
……
عسانا لا نصانا اللي ما ريّحْه الزمن يرتاح
و عسانا ما نسوي طيب وحنا ننتظر ردّه
وعسانا لا تجمّلنا فـ احد ما نذكر اللي راح
و عسانا ما نقابل راعي المعروف بالصدّه
عسانا لاحصل منّا قصور بـ ساعة الافراح
ما يلقون العرب منّا قصور بـ ساعة الشدّه
……
النفس لاطابت و قنعت ﻣن الشي
صعبه يجي عقب القناعة .. قناعة !
……
اما انا وانت انخلقنا للغياب
والا انا وياك مانعرف نحب !
……
يطري علي العز و المجد و الطيب
و أشوفها يا أبوي لا صرت أشوفك
يعيش راسك للوفاء و المواجيب
يا النادر اللي نادراتٍ وصوفك
……
انا الثقيل الثقيل اللي معك ماثقل
عطاك مالا عطى غيرك ولا قال هات
ㅤ
احبك بقلب ؟ لا والله بقلب وعقل
محبة العفه اللي مابها مغريات ..
……
ابتسم يا أبوي يامال الغناه
لا ابتسمت الوقت كله يبتسم
……
الا يا رب غفرانك ليا جيناك فـ الميعاد
عرايا ما علينا إلا الذنوب وقلة الحيله
……
صديت عني يا ابن عمي وقفيت
وانا الذي كنت اقرب عيال عمك
نسيت وش سويت والا تناسيت
يومٍ على همي تحملت همك
نصيتني في لازمك واستعديت
وحولت نظرة نخبة القوم يمك
لكن بعد قفيت عني وصديت
ماقول غير الله يخلي لك امك .
……
انت ياللي كنت اجمل في البدايه
ليه دربك مال في نص الطريق .
……
أنا حظي شجر وأحداث عمري فاس
و يدين الوقت ما ملّت من التكسير .
……
ياقبر ماوصيك باللي بكيناه
ضمه برحمه مثل ضمة يدينه
يارب اجعل جنة الخلد مثواه
وأنزل على روحه أمان وسكينه .
……
سلامة رماحك اللي جرحها غالي
طعنتني غاضبٍ لين إنكسر رمحك
لو قلت لي كان اجرح حالي بحالي
لا عاش قلبٍ جزع وأرتاع من جرحك
……
ماسلمنا من سكاكين القرايب
ولا سلمنا من اقاويل الصداقه
ابشع الصدات صدات الحبايب
واشنع الطعنات طعنات الرفاقه
……
الله يكبرني ، بعين الكبيرين
والا الصغار صغار مايلزموني .
……
يالله بحظٍ يطيب العمر من طيبه
يجبر كسور الزمن ويشيل عثراته .
……
نمشي ولا نعلم خفايا المقاديـر
يالله عسى في غيب الايام خيره
……
عيش يا راسي بخير ولا تحاتي
بالوجيه العابره .. منّا و منّا
من تمنّى شر أو خير .. بحياتي
أرزقه يارب .. ضعف اللي تمنّى
……
ملامحك ماهي بحلوه بسيطه !
وجهك ملاه الملح كبر وتعالي !
شوف البحر مالح ويملى الخريطه
وشوفي النهر برا الخريطه وحالي
……
انت مثل الحاكم اللي دون شعبه نهر جاري
وانا مثل الصامل الي دون حاكمه …يتفدا
……
مانجحد الطيّب ، ويملكنا جميل الطيبين
فـ قلوبنا منجم وفا ، و فـ وجيهنا منبع حيا
……
يارب عفوك وغفرانك وجناتك
بيدينك العفو والغفران والجنّه
انا فقيرٍ يبي من نفح مداتك
زدني ياربي من القرآن و السنّه
عن منة الناس تكفيني مناجاتك
امنن عليّه ولا تجعل لهم منّه
……
بعض العرب لا شاف نعمة حسدها
حاسد ويحسد فالسماء حايم الطير
وبعض العرب لاشاف نعمة حمدها
من طيب قلبه وده الناس في خير
……
عشنا وجربنا ولا عاد يحتاج
ناقف على بعض السوالف دقيقه ..
……
الفراغ العاطفي عندي كبير
كل م اسمع صوت بنت احبها
……
ثبتنا رغم ضغط الحياه وغثا الايام
وبياض الوجيه وسبعة انعام مكسبنا
على كل طيب وطاله نسوقها قدام
لو ان الظروف تحاول تردنا ؟ طبنا
ماناقف عشان افلاش جوال ولا إعلام
هاذي لو تناسب غيرنا ما تناسبنا
آيبشربنا من عدنا فاللزوم حزام
ليا غاب من يمشي بـ الاعذار ماغبنا
……
حلفت ما اندم على واحدٍ يروح
أغلى نفوسٍ في ثرى القبر طاحت
اللي يبي يرحل محلل ومسموح
مافيه أغلى من سنيني وراحت .
……
كان المعزه عندكم يوم واسبوع
ثم تنتهي مع دورة الوقت واتضيع
حنه المعزه عندنا راس مرفوع
لامن شرينا شخص مانقدر انبيع
……
لعنبوها حاجةٍ ترخصك وانت محسوب
في عيون القوم و يطيح قدرك عندها
كبها لو هي ثمينه و عرضها الهبوب !
وانسها لا رحم ابوها على ابو جدها : )
……
عسى صبح الوضوح ليا سرَى ليل الغموض وتاه
يجي مثل الضرير اللي يمد الشوف بيدينه
……
العز يبقى والصداقه توافيق
ياحظ من خاوى الرجال الكريمه
والرزق بيدالله رب المخاليق
محيي الاراضي من سحابه وغيمه
لو خيروني بين كل المطاليق
بختاركم يا هل النوايا السليمه
ويبقى غلاكم في صميم المعاليق
وتبقون راس المال واكبر غنيمه
لوطاحت اسواق الذهب والصناديق
ماطاح سوق اهل الوفا والعزيمه
……
ياصاحبي عندك مشاريع وفروع
وش فيك عن بعض المشاريع لاهي
نسيت من بين المشاريع مشروع
مادري وعودك صدق ، والا تباهي
ترى السنافي لاتزهل بموضوع
عن ماتزهل فيه ماهوب ساهي
ارجوك لاتلعب على اوجاع موجوع
مشاعر الموجوع ماهي ملاهي
ماجالك المحتاج يشكي من الجوع
يكفيه خبز ، وفول جَرّه ، و شاهي
……
اصدق غلا لغلوك ربعك لشخصك
ماهو غلا لمنصبك ولا غلا لمال
ولاهو غلط اتكمل انشفت نقصك
بس الغلط ،،، انك تكمله بهبال .
……
ماهو غريب الطيب من منبع الطيب
وشلون نستغرب من الغيم الامطار !
……
ياجعل عينه ماترى فالزمن مكروه
تهون الامور الباقيه لاسلم راسه .
……
لك الشكر ولك الذكر ولك الفضل ولك المنّة
وانا عبدٍ من هموم الحياة لـ رحمتك جالي
ياربي طالبك .. لا جيت بين النار والجنّة
تحاسبني بـ عفوك ماتحاسبني على أعمالي
……
حاولت اسوّي كل ما يقنع الراس
وشفت العَتب بين العباد متفشّي
مهما تسوي خير ،، لا تامن الناس
اللي يبي الايام تمشي ،،، يمشّي ..
……
انا ماحب العيون اللي عليها العيون
انا حبيب العيون .. اللي محد شافها
……
ظروف الليالي خلها بين ضرس وناب
وخل المثل عندك يا دنيا من انتي له
تجمل مع الاجناب واكسب غلا الاصحاب
وحياةٍ بدون الطيب بالله .. وش هي له
……
كثير اسمع بهالحزه صباح الخير
وصبحٍ مايجيبك .. وين خيراته ؟
……
إذا كان المكابر هي مشكلتك
أنا مشكلتي ليا رحت ما أرجع .
……
للأسف بعض الخلايق رضاهم مستحيل
لو عطيته عين .. يسأل : لمين الثانية ؟
……
بعض الغياب يعلمك كيف تشتاق
وبعض الغياب يعلمك من يحبك !
……
الوقت خَلانا على أتعس ما يرام
ضعنّا .. وضيّعنا القلوب وحبها
……
لا تمادى فالخطا مرّه و مرّه
غلطة العاقل تنقّص من وقاره
.
ان تشرّهنا لنا حق إنتشرّه
وإن سكتنا يفهم الحر الاشاره
……
من الفقد و الحرمان.. فيني قلق نفسي
فلا تلومني طالبك لا شفتني ، منفّس
أحس بتعب نفسي، تحس بتعب نفسي؟
أنا من كثر ما ضقت ! ما أقدر أتنفّس
……
شابت الاحلام في عز الشباب
والصدر للذكريات اصبح قبر
……
على الوسادة حطّ خدّك وسبّح
واستغفر الرّحمن من ذنب هاليوم
سامح جميع النّاس ممسي ومصبح
ترا السعاده بالمسامح تجي دوم
……
يحسب إنّا بنترجى و نتوسّل في وصاله
و نتعنّى لجل نرضي خاطره ، لله درّه
ٰ
والله إن يبطي ولا نرجيه حتى في رساله
و إن بعثنا له رساله ! والله إنها ما تسرّه 🙂