مجلة معكاز شعر الالكترونيه الثقافيه المنصة الالكترونية الثقافية الفريدة من نوعها تعني بنشر الشعر والأدب القديم والحديث في الساحة الشعبية الخليجية والعربية .
مقالات مشابهة
المشتحن احيان ضيقة خاطره ماتطاق
وجوارحه عن تفاصيل الحزن ماحكت
يسهب حديثه ليا من سولفوا فالفراق
وان سولفوا في مواصيل الحبايب سكت
……
الشوق لك في داخلي ماله قياس
مثل البحر محدن من الناس قاسه..
……
انـا شذنبي إذا قلبي معك حساس !
……
ولا محلّل ولا معذوٌر على شوٌقٍ بقى بـ صدري .
……
أحبِك ..
كثر ما أنوي الرحيل و ترفض أقدامي ..
……
كل ما قالوا شلونك قلت : طيّب
مادروا باللي حصل بينك و بيني
البعيد .. يحس فيني و القريّب !
وانت لين الحين ما حسيت فيني
……
يا قلبي المنفي من الغالين
إضحك ولا تفتح لـ حزنك باب .
عادي و إذا طاحت دموع العين?
قدْ طاح من عيني كثير أحباب !
……
اختار ربعي .. مثل ما اختار خلاّني
حتى عدوّي بعد .. ماهوب حي الله!
……
اليا حضر يغني عن الكل وينوُب
و إن غاب .. ما كلٍ يسد بمحله
……
ان بغيت تروح ف اصمل على راي المراح
جعل دربك سمح لو انك اغلى ما عرفت .
……
كان الخطا كثر العطا والصبر ايوبي
يالله عسى كل مامضى تكفير لذنوبي
……
ليا جيت لدياره وعيني على المدهال
تغارق دموعي ب ازرق الدمع وتهله..
……
لو تعرفون انه انقى من الثوب النظيف
ماكسرتو خاطر الذيب يوم انه عوى
……
من ضيقة البال وإلا ضيقة العيشه
قمنا نسج القدم مسرا ومغباشي
……
لا صار أعز الناس يلوي ذراعك
لا عاد ترجي من ورى عشرته خير
ارفع على متن السفينه شراعك
و ارحل على متن البحر والمقادير
……
الوقت حوّاج والحاجه تصول وتجول
والناس ماتعرف إلا في نهار المحن
أحدٍ يشمّر يداه ويرتكي للحمول
واحدٍ يشمّر يداه ويرتكي للصحن
……
مغنيني الله من اللي خوته ما تزين
الا ليا راقت اخلاقه وجوه صفا
……
أداري جروحي وأوعظ الناس بـ استمرار
وأنا أحيان أدور شخص فاهم ويوعضني
غبار الوجيه المبغضه .. ماعليها غبار
بلاي الوجيه اللي تحلّوى وتبغضني
……
دايم عيون الشّوق تسهر ماتنام ،
الوصل غفوة والجفا صبح وسهر !
……
إن ما جبرك الغلا ، م أقدر على جبرك ..
……
يا أجمل عيونٍ تغيب وحبّها باقي ..
……
البعض لايبقى من اجلك
بل يبقى من اجل حاجته اليك
……
أحبك لو حبك تعب، راضي أحبك للأخير ..
……
يا وجه الزمان ان زنت ولا ماقلنا زّن
تحت دبرة الله غير .. لاشنت ماشنّا
……
كثر الله خير الايام وأحلام السنين
علموني كل حاجة تبي عزم وصبر
……
صب الوجع وأغسل همومك من الدمع
ترى البكا .. في بعض الاحيان لايق
مع عبرتك … لا تتخذ منهج القمع
الدمعة اللي ماتحوّل .. تضايق !!
……
سلام ياواحدً له با الحشى منزال
ياكثر ماغليه وعيا القلب نسيانه ..
……
صرت مثلك لا أنتظرك ولا أشتاق لك
ولا حتى يهمني وقتك يروح لمين !
……
على صوته المبحوح لا قال كيف الحال
تطيب الخواطر لو لها عام زعلانه …
……
ماني على حطت يدينك تغيرت
وأخذت من قسوة غيابك نصيبي
خذت السلامة ياحبيبي وسافرت
متى بترجع بالسلامة حبيبي ؟
……
كل هذا ليل وإلّا ساعتي ما تمشي
أنقذوني من عقارب ساعتي وأخذوني
كل دمعة وقفت على مشارف رمشي
ليه ما طاحت مع اللي طاحوا من عيوني ؟
……
ما يناسبني الزحام يا سيدي
يا تبقى وحيدي أو خلك لهم .
……
حمام الدوح والبيت القديم وبابه المفتوح
عليها ذكرياتي كنها لوحه من الماضي .
……
عسى الخير فالمقبل وما فات ولت به
عجاف السنين اللي تقافت ولا قفت بي .
……
لو دريت بـ حرّ شوقي لك و قوة فقدي
كان اموري ياحبيبي كلبوها زينه
سقت رجلي للمحبه واحسب إني مقدي
ما دريت ان النهايه فـ المحبه شينه
……
في دفتر أيام عمري كل شي محسوب
لي قصةٍ لا أختليت بنفسي اقرأ بها
مؤمن وهذي هي الدنيا نجاح و رسوب
القسمه اللي من الله لازم أرضى بها .
……
يفدا تبّسام . . وجهك لا تبسم لي
وجيه ما اخترتها ولا اخترت شوفتها ..
……
تحبني وتخليني على رف الحزن مركون
انازع ضيقتي وحدي كذا يعني تحبني ؟
……
لو غلبني الشوق وماعندي كلام
عادي ارسلّك رسالة فاضيه ؟
……
تجرح وينبت من دفا طعنتك ورد
باقي ثلاث جروح و أصير بُستان..
……
يكفيني أني كنت .. بعيونهم غير
هذا الشعور بحد ذاته .. نصفّني !
……
على سبيل الأماني جيت لك عابر
معاي كذبة عمر ممكن .. تصدقها؟
……
عشقنا المعزه و إرتفعنا عن المنقود
مدانا بعيد و عزمنا ماله نهايه ..!
……
اي والله اني على خبرك و خبرك يدوم
ماقد كسرني حنين … و لا مفارق احد
اضمن لك اني على الفرقى قوي العزوم
لكنّ تضمن لي إنّا … ما انتواجه ابد ؟
……
طاريك .. ويطيب لي ذكره
ماحدٍ يساويك : في قدرك
حزين جداً .. على فكره !!
محتاج أبكي على صدرك
……
مايذبحك من نخيت وصد ..
يذبحك : من نخيته وجاك ..
……
وجاي عقب البعد تبيني اعذرك
قد عذرتك مابقالك عذر ثاني .؟
شف عشانك بعت الناس واشتريتك
وانت ماضحيت في حاجه عشاني ..
……
يا طير ياللي بالفضا عيشتك غير
وش حيلة اللي ضايق البال قلي ..
ياليت لي مثلك جناحين و اطير
واشوف من هو بالغلا فاطنن لي..
……
يا حظ ليتك بـ الطبع تشبه أمي
حتى وهي متضايقة تبتسم لي
……
ماهو بشرط .. اليا نسوك انك رخيص
ترى الثمين احيان .. صعب الإمتلاك ..