مجلة معكاز شعر الالكترونيه الثقافيه المنصة الالكترونية الثقافية الفريدة من نوعها تعني بنشر الشعر والأدب القديم والحديث في الساحة الشعبية الخليجية والعربية .
مقالات مشابهة
سود الليالي لا اقبلت ” تقبل بنظرة ذهول “
الوقت لا منْه استعد ، حنا بعد نستعد ،
لا طاب لي طيّب ( اباخذ من فعوله فعول )
وما تقصر كفوفي ” بياخذ من فعولي بعد “
انا اعترف والاعتراف ، انك تقول وتطول ،
لو تنطق صدور المجالس بس ! قالت تعد
بعض العرب لا ثرثرولك بالسواليف قول
وشرواك لا منّه وعد ، يصدق بحق الوعد
الناقص الثرثار والحاسد وصدر الزعول ،
ثلاث شخصيات من قرب لهم ما صعد
عز الله ان لي بالزمن خوّه تشيل الحمول
حتى الليالي السود لا جتني تجي ترتعد
ياحي راس اللي على الوقفات يمشي عجول
ابو جنابٍ دمث ” فـ الحاجات ما يبتعد “
لو اذكر فـ بعض الاسامي تنفتح لي قفول
واذا بعدّ افعالهم ، ، نجلس لـ بكره نعد !!
لو جيت فالمعجم بيوصف لك عليهم فحول
وش اوصف بوصف المكارم وش اخلي واعد !!
ما يعرفون الهافيه ، بس يعرفون الاصول
سميتهم بـ اسماء وسموني خوي السعد 🙂
#بداح_الشويّب
