مجلة معكاز شعر الالكترونيه الثقافيه المنصة الالكترونية الثقافية الفريدة من نوعها تعني بنشر الشعر والأدب القديم والحديث في الساحة الشعبية الخليجية والعربية .
مقالات مشابهة
مقتطفات شعر عن الحزن
ابيات و اشعار في الحزين تغريدات من تويتر ..
نبدا
يوم سجيت وقدرت ادفن جروح غيابك
جيتني وانا يحرضني عليك محرض
..
انشدك لو كان ماتدري وش اللي جابك
ليه يوم انك على عين الحزين تعرض ؟
—
المشتحن احيان ضيقة خاطره ماتطاق
وجوارحه عن تفاصيل الحزن ماحكت
ٰ
يسهب حديثه ليا من سولفوا فالفراق
وان سولفوا في مواصيل الحبايب سكت
—
تحبني وتخليني على رف الحزن مركون
انازع ضيقتي وحدي كذا يعني تحبني ؟
—
ذخرته سّلوة الليل الطويل من الحزن ملجأ
وسرى ليلي وأنا ما بين بيجيني ولا جاني
—
أنا مرهق جسد يارب أنا من طين
أنا كعبة حزن فيها الحزين يطوف .
—
انا الحزين ،
و ما يلومون الحزين ؟
مخنوق كن الشمس
خانت بـ الفجر
،
من وزّعك ،
بـ وجيه كل العابرين ؟
ما فكر يجيبك :
ويكسب بي اجر .
—
كنت الحزين
وكثر ما أعصابي إنهارت
أصبحت أنا :
"اليائس المتبّلد الهادي"
بكيتهم لين |
مات إحساسي وصارتْ
تمرني ذكرياتي معهم ..
وعادي !
—
اذا مقفي تعال مع الوجيه وقل فمان الله
ولاتستغفل القلب الحزين وتنوي .. الفرقا
—
املك : كرامة نفس وشعور واحساس
والحزن ؟ وظروف " الليالي " ملوكي
.
الناس مشغوله .. ورى مطارد الناس
مافيه " فاضي " فالزمن غير : بوكي ؟
—
لاعاد تسال ،
وش إللي فاقده يوم اجيك!
خلص معاي
الحزن عندك حزن ثاني ؟
—
ياوقت لاتبحث خفايا المخاليق
ماعاد نبغى منك …غير السلامه
أنا السعيد اللي ملا صدره الضيق
وأنا الحزين اللي بكى بـ ابتسامه
—
ما يغيب الحزن عنّي لين اقرّب منّك
عند حزني لا تعذّر لي بكثر ظروفك
َ
ما اعرف وش سر نظراتك وضحكة سنّك
اذكر انّي كنت متضايق قبل لا اشوفك
—
مابين حيّ المقفي ، وبين ياليت
من شافني في عترتي قال شايب
ٰ
طاولني الحزن الرقيق وتدانيت
يالله لاتسّقي ، فراق الحبايب !..
—
يادمعة الحزن لا تبدين بالمضهر
خلي الحزن بين شرياني وخفاقي
—
ترعرعت في عوج الحنايا وعقب اقفيت
"اخذت الخفوق ورحت , والحزن خليته"
—
تبسمي .. لايسكن " الحزن وجهك ،
عين السماء تمطر على شان ترضين ".
—
اكن الحزن واضحك مع ذا واجامل ذا
وانا والله اني عكس؟ ما اقول وأسوي.
—
آرد العباير والعبـاير تسمّ الحال
هنيّ الذي لا مسّه الحزن ما كنّه.!
—
نسيم الليل انا في وجهكِ من الحزن والتذكار
لاتسري بي تحت جنح العتيم وخاطري ضايق .
—
بغيت آتصبر وأجحد الحزن لكن ماش
عيون الحزين أدناة موضوع ، يبكيها
—
ادور الفرحه سلف والقى الحزن دربه يطول
حتى عرفت ان الفرح يلبس من الحزن أقنعه.
—
لا تظن انك لحالك من الحزن مخنوق
كل نفسٍ من غثى الوقت فيها قسمها
—
عز نفسك في زمانك لا تقول الحظ خايب
وسوق عمرك للمعالي واكسر النفس الحزينه
—
مايرد النفس عن درب السخط غير القناعه
والرضا .. حكمة تشد العزم بالحزن الثقيل
—
احمد الله ما بقى لي على الدنيا حسوف
الفرح يلقى شكر … والحزن دفعة بلا
—
يوم شفته في هوى غيري سعيد
إبتسمت من إلحزن غصبً علي .
—
تفاءلوا بالخير .. ياتيكم الخير
ما للحياه بدون الآمال .. قيمه
"
َالصبر مفتاح الفرج والتباشير
والياس مفتاح الحزن والهزيمه
—
أنا الحزين الممتلي بـ الياس
من علّم الضحكات تنساني ؟!!
ㅤ
الصبح يربطني بـ كل الناس
والليل يربطني مع .. أحزاني
—
عادة المسلم اذا الحزن اعتراه
علّق أماله على " الله " و سجد .
—
إذا غلبك الحزن سلمني يديك
تسهر لك عيوني إذا ناسك غفوا .
—
سألت عنْك اللي على طول وياك
قالوا بفضل الله مصلي و صايم
مع اني اشعر بالحزن عقب فرقاك
لكنّي اتمنى لك ،، الخير دايم
—
صاير يمون الحزن والحزن دمه ثقيل
لا شاف قلبي ضحك بكاه من ضحكته .
—
ان بانت رسوم الحزن في ملامحك
سرقت لك .. من وجهه الايام ضحكة
—
عادت الضيقه على الوجه الحزين
إن سكت مغبون و إن سولف بكى
—
دافنين ( احزاننا ) تحت الوسايد
ما بغينا الناس تعرف من جرحنا
ٰ
ويوم صرنا نكتب ابيات و قصايد
بان وجه الحزن فينا و انفضحنا ..
—
حبيب الحزن أنا ولا حبيبك انت
لاني , كل ما اشتقت لك جاني .
—
قفيت والحزن عقبك هبت أدراجه
ولا بقى الا قصيدي فيك يجبرني ..
—
فيني وجع
مدري غصه بالضلوع
والحزن جاني
رغم اني ما ابيه
احتاج ب هاللحظه
افضفض بالدموع
من يسلفني حظن
ابكي عليه .
—
تواسيني !
تقوُل انّ الحزن عَابر ؟
وانا ( خابر ) !
بقَى عندي من الماضي :
حزن اكبر من الحاضر .
—
على سبيل الحزن خلّ الحزن ساهي
مدام وجهك جميل وخلقته حكمه
ٰ
تبسم وجعل يفدا ؛ وجهك الراهي !
وجيه تغتاض لامن "شافت البسمه"
—
القلوب يلفها الحزن وتشوف العذاب
كل ما حنت لـ ناسٍ ما هم في حولها
—
أنا الحزين المبتسم لـ الفال
وأنا الفقير المغتني : بـ الله
—
عساه يتولّع في حدٍ يقفى ؛ ويجفاه
ويذوق الذي ذقته من الحزن لو مرّه.
—
ماهو ضروري !
شعور الحزن بّـ الدمعه..
مرات من زود حزني ؟
ماعرف .. أبكي !’
—
أنا اكتئبت من الحزن
وأنا انجرحت من الهوى
فيني من الغيبه شجن
لو هو قواني ماقوى
أنا أحن أو ما أحن
اثنينهم عندك سوى
—
الحزين اللي قضا ليله حنين..
يبكي اماله / ويرثي الأمنيات
يوم راحوا .. مابقى الا حاجتين :
الفراغ العاطفي ، والذكريات
—
الى هنا نكتفي
تجد المزيد
في حسابنا في تويتر
" معكاز شعر "
@M3kkaz
كلمات ذات صله : شعر عن الحزين – شعر تويتر في
الحزن – ابيات شعر
