مجلة معكاز شعر الالكترونيه الثقافيه المنصة الالكترونية الثقافية الفريدة من نوعها تعني بنشر الشعر والأدب القديم والحديث في الساحة الشعبية الخليجية والعربية .
مقالات مشابهة
كلمات و شعر عن الاب
إنّ أجمل ما قد نقوم به تجاه الأب،
هو أن نعبر له بكلّ الطرق عن مدى الحب والامتنان والشكر لما يقوم به من أجلنا،
ومن أجل راحتنا، وما يبذل من مجهود كبير لتحقيق رغباتنا ومتطلباتنا،
لهذا نورد لكم هنا أجمل الأشعار التي قيلت عن الأب
لعلها تعبر ولو بشكل بسيط عن كل هذا:
ابيات
شعر عن الابو اخترتها لكم من حسابنا في تويتر @m3kkaz
مقتطفات
جميله جدا
أبوك يبغى دعوةٍ تالي الليل
ماينفعه اتحط صورتْه حاله
يبغى اليامنه نزل رب جبريل
وبسط يده للخلق جلا جلاله
ان طاب ليل اهل السهر والتعاليل
ترفع يدينك للكريم وتساله
ينجيه من يومٍ تطيش المكاييل
وهذا الذي يرجي الأبو من عياله
—
أبوي رباني على مكسب الطيب
من قبلها جدي على الطيب رباه
اصد عن أهل الردا والعذاريب
والطيب نلحق صاحبه و نتعداه
—
لبيك ياخالي ،، ولا قلت لبيك
إلا لـ أبوي ومن ورى ابوي خالي
اسوق لك روحي على راحة أيديك
واجيك كلي ،، يابعد كل غالي .
—
ما احتار من حاجة وصدري يستضيق
وأبوي ذخري ،، فالمواقف وسندي .
—
يابوي وينك يا سلايل كحيلان
خذني محلك وانت عوّد مكاني .
—
أمي ولا حول أمي بالغلا غير أبوي
يا جعلني ما أفقد الإثنين قبل أنفقد .
—
ابوي عشاق الكرم ما تعدوه
وابوك يا وجه الفلس ما يندي
مالك علي يا بارد الوجه مشروه
تراي اعشي كل ليلة و اغدي .
—
ابوي رباني وزرع بي مواجيب
يجني ثمرها كل منهو عرفني
اقّدر الطيّب واجازيه بالطيب
ولا الردي ماهمني وش وصفني .
—
رحل شايبي لكن بقى طيبه المزروع
بروس الرجال اللي بطاريه تحشمني
ٰ
أنا كل ماجيت الرياجيل في موضوع
معاريف أبوي وذكره الزين يخدمني
—
ادور الراحه عسى خير مقسوم ،
وشلون صارت راحتي مستحيله
يابوي وانت اسمك مقدر ومحشوم
وان تاهت اقدامي تراك الدليله .
—
يا ابوي ابشر عيالك فـ دربك قدر الامكان
ليا طرو اسم الواحد النعم لاحقته
َ
يوم اشغل عيال اللاش بدر السما لا بان
ترى كل واحد مننا النعم شاغلته
—
تذكرت ابوي ولا تذكرت مثله شي
ولا ألوم عيني كل ماسال مدمعها
تموت الرجال وذكرها الحي يبقى حي
وتموت الرخوم وذكرها يندفن معها
—
من غبت .. والدنيا علينا قوايل
ما من ذرا يا ابوي عقبك ، ولا ظل
—
ابوي وصاني على هبت الريح
وعطاني العلم الصحيح وفهمته
ٰ
قال الحياة ابواب وإلها مفاتيح
والشخص هيبته في طول صمته .
—
يابوي حملني كبار المطاليب
ابرك لها واقف بها واتفدى
رضاك عندي من كبار المكاسيب
ولا فيه غيرك في حياتي مبدى
—
صديت عن بعض الامور الرديه
عشان ذكر ابوي ماهو عشاني ..
—
ان كان للارض راس وفوقها هامة
فأبوي تاجٍ للارض وفوق هامتها
—
حفظني ابوي معلومة اساسية
أكارم القوم تعفو عن دناياها
وعلمني انسى الردا وازين النية
ولا اشوف الأوادم من زواياها
—
عندي يقين وظن في عفو الله
” والله يعامل كل عبد بـ ظنه ”
في ظله ، يوم لا ظل الا ظله ..
من رحمته يدخل ابوي الجنه
—
يا ابوي لو زادك الشيب توقير وثواب
كل شعرة شيب في عارضك تلوي يدي
ودي انك طول الأيام في عز الشباب
جِعل يومي قبل يومك يا عزي وسعدي
—
ابوي م قصر على مر الحياه
يوم الليالي تزوي العالم زوي
ضحى بما يملك لنا والله معاه
كافح بقلبٍ صلب وبضلعٍ قوي
حمل على عاتقه من عرف ونقاه
واجه بحزم وعزم والذيب يعوي
مصدر سعادتنا ي جعله للغناه
يا طيب راسٍ للمواقيف احموي
والله ثم والله م نلحق جزاه
اعظم رجل يعطيك دافع معنوي
—
يابوي جعلك للبقا والمكاسيب
عمري بدونك يا ذرا ويش ابي به
—
كنت اخاف الموت يوم أبوي حي
لين مات وصرت اخاف من الحياة
—
يطري علي العز و المجد و الطيب
و أشوفها يا أبوي لا صرت أشوفك
يعيش راسك للوفاء و المواجيب
يا النادر اللي نادراتٍ وصوفك
—
ابتسم يا أبوي يامال الغناه
لا ابتسمت الوقت كله يبتسم
—
يابوي لافترت عظامك من الشيب
اخذ من عظامي عظامٍ بديلات
يوم انها حر وشموس ولواهيب
يصير ظلك فوق راسي مظلات
ويوم انها بردٍ يسل العراقيب
دفاني بشتك واحتضني من الذات
تعطي ولا ترجي وراها مكاسيب
إلا من الله رب عرش السماوات
يمناك لا مدت تمد مدها غيب
كنك تقول الطيب ياناس بسكات .
—
أبوي تعبني عسى عمره مديد
كل ماتجمل عند خلق الله طروه
وإذا طرى ي كثر ماردد وأعيد
من ماعليكم زود لطرو وأمدحوه
من كثر ماني من اسمه مستفيد
الطيبين ان صار لي لازم قضوه
—
ابوي ابوي ومن يصير ابوي ابوه
من غير ما يتعب تجي له والنعم .
—
يابوي انا دونك ما اشوف العمر شي
جعلك هني وانت الرضا والسعادة .
—
اشوم عن مجلس الحقران والهذره
ابوي مبطي عن الهذرات وصاني
والوقت ما يامن الرجال من غدره
والراس ماينحني كان الله احياني .
—
صوتك يابوي في مسمعي مثل الحلوم
كل ما أطالع شفت وجهك ينرسـم ..
بعض إبتساماتي من إنتاج الهموم
من غيرك معوّدني ليا ضقت أبتسـم ..
—
ماوصلت ابوي في طيبه و قوة باسه
بس انا من قوّ باس ابوي يقوى باسي
ودي اني حايشٍ الطيب “وارفع راسه
بس حاش الطيب كله قبل يخلق راسي
—
للمطاليق في عيني مقام ومهابه
مثل ما ابوي في عيني عن الفين مطلق
اعرف انه على القاله من اول شبابه
واعرف ان المراجل معه قدام لا اخلق
—
الشايب اللي صدى ضحكه يبكيني
غلاه واجب عليّ ومشاهده سنه
حبيت راسه وطاح الدمع من عيني
ذكرني ابوي جعل عظامه الجنه
—
عسى ابوي من بد العرب دايماً في زود
ولا اشوف وجهه من غثى الوقت متكدر
—
يا ابوي مدري ويش اسوي واجازيك ؟
لا صار راسك حي ماني مهمّل .
كبرتنا من كبر ( قدرك وطاريك )
يا ليتنا نقدر ب صيتك ( نكمل )
—
عجزت مدري كيف بوصف جنابك
ياعزوتي ياحي والله طواريك
يابوي والله والقصيد ان حكابك
نبطي انا وياه نوصف مباديك
انت الذي للضيف فاتح ابوابك
لو كنت ماتملك ولا شي يغنيك
—
ابوي يتعبني اذا جيت اجاريه
بالطيب يسبقني 80 خطوه .
—
ليت هالدنيا مثل مدّت ابوي
لا عطا ،، ما ينتظر رد الجميل .
—
قصيدة عن الاب
يابوي جعلك للبقا والمكاسيب
عمري بدونك يالذّرا ويش أبي به
يابوي تسأل عن شفاك المراقيب
طلعة سواتك للنّوايف غريبه
ليه المرض مايعرف الزّين والعيب
مايدري انك للمخاليق هيبه !!
أبسألك وش به غزا وجهك الشيب
والقلب لايع والنواظر شحيبه
وش بك تحاتي لانوى الموت تغريب
تخشى علينا بالليّالي الكئيبه
خذ دلّتك واركى على مسند الجيب
وعطني شماغك بلثمه وأحتمي به
ونروّح لأرض ٍ بها العشب والطيب
وتسمع كلام ٍ يالغلا تحتفي به
يابوي بنتك لاانحكى بالتّجاريب
كل ٍ يشق لهيبه الصّيت جيبه
يابوي ماني من سوات المخاريب
اللّي تجيب لعليَة القوم خيبه
وماني من اللّي لامشت حفّها الرّيب
أنا من اللّي مايدنّس حليبه
مرفوع شاني عن غرام المكاتيب
وأكبر من انّني أرتضي بالحبيبه
أنا غرامي لاابتدوا بالتّراحيب
نفوس الأوادم في وجودي رحيبه
وان كان زيني فتنة ٍ للمصاويب
أحط وجهي بالحريق ولهيبه
زيني أبيعه وأشتري سمعه الطّيب
اسم ٍ ينومس بالصّروح الذ ّهيبه
وان كان عندي ( بالحلا) شي اصعيب
عندي جدود ٍ مارضت بالغليبه
دموع القبايل في لقانا مساكيب
كن المقابر لاحضرنا قريبه
خضّبت لك كفّي من العز تخضيب
ورفعت راسي للنّجوم الصّعيبه
والله لأسدّك بالفعول المصاليب
والله لأشيلك بالرخا والمصيبه
طلع المعالي ماانحكم للشّواريب
بنت ٍ وأناطح فارس القوم طيبه
وياشيخي إبشر لوتدور الدّواليب
بنتك إلا منّه عوى الذّيب ( ذيبه)
