شعر عن العيد


كل عام وانتم بخير واعاده الله علينا وعليكم بالصحه والعافيه


بمناسبة العيد السعيد انقل لكم مقتطفات مقتبسة لتستخدمونها


رسائل تهنئه في الواتس اب و سناب شات صور او عبارات


ابيات شعر عن العيد الاضحى واشعار في عيد الفطر السعيد


اخترتها لكم من حسابي في تويتر


معكاز شعر @M3kkaz

 

نبدأ

العيد .. لولا طلــّتك وش يساوي
لاغاب مـثلك تخـتفي فـرحة العيد

العام … قبل العيد دايم تبارك
واليوم قرب عيدنآ.. وأنت ماجيت !

عذرك معك ياجعل عيدك مبارك
كل عام وانت بخاطري لو تناسيت

لا تذكر الفايت من الآيام
معاك أنا من أمسك لـ بكره

تعال و عايدني مثل كل عام ،
عيدي أنا (صوتك) على فكره

كل عام وضحكتك عيدي ، وأنا
كل عام أحبّك أكثر من زمان .

العيد عيدي (يالغلا) يوم اشوفك
( عيدك مبارك )يابعيد المواعيد

متى اشوفك ليت تسمح ظروفك
عيدٍ بلا شوفك بعيني ماهو عيد

يضحك واشوف العيد فـ ضحكة شفاه
ماهوب عيد الناس عيدي لحالي

عيدي معك , ماله شبه ماله اجناس
يا حظ من شافوك ويعايدونك

من عايدك ما هو مثل باقي الناس
عيده خلص ، من يوم شاهد عيونك

أقول في نفسي وأنا أعايد الناس
متى بشوفك تكمل ” أفراح عيدي ”

عيدك مبارك صاحبي وين ماكنت
يزف لك نبض الخفوق التهاني

عيدك مبارك كثر مابي تمكنت
كثر الغلا اللي بالضلوع المحاني

يوم التفت وشفت ماغايب الا انت
ضاق الوجود وكل هم” غزاني

اذا العيد مّر وفقد الأحباب موجعنا
‏عسى اعيادهم يارب في جنتك أجمل .

عادة الطيّب ماينسى الرجال الغانمين
‏ومعرفتكم يا النشاما هي اكبر فايده

‏جعلكم في كل عامٍ ” بخير وطيبين ”
‏القريب نعايده ،، والبعيد نعايده .

بخروها عن عيون الحاسدين
‏وعلموها كيف .. تذكر ربها

‏جعلها من العايدين الفايزين
‏طفلةٍ تكبر .. ويكبر حبها ،

عذرك معك ياجعل عيدك مبارك
‏كل عام وانت بخاطري لو تناسيت .

تبي الصراحه ” توقعتك ” تعايدني ،
‏ما كنت متصوّر ان العيد ماجابك !

‏انشهد ان ” العيد شوفك ولقياك ”
‏ماهو بقول الناس عيدك مبارك .

كل عام وانا احبك اكثر من العام
‏على مرور الوقت من غير تحديد

‏عيدي معك ماهو محدد بالأيام
‏في كل يوم اواجهك يعتبر عيد .

أعايدك وأنت أجمل الناس بالعيد
‏ياعيد عمري جعل عيدك مبارك .

تعال سولف لي عن العيد وشلون
‏من شم عطرك ، من تهنى بعيده ؟

ياحسافه ع الرفقه وحب السنين
‏حتى كل عام وانت بخير ماقلتها

كل عام وانتم عايدين وفايزين
‏وارزاقكم وافراحكم متزايده

‏الله يعيده عند كل المسلمين
‏ويغفر لقلبٍ ماقدرنا نعايده

عن معاريف النشاما وماجوب الصديق
‏مايغيرنا البطا والسنين الكايدة

‏دام للصاحب معزة وللخؤة طريق
‏واجب اسلم على صاحبي واعايدة

كل عيد أنا عندي طلب وأنت فاهم
‏بالله صور لي من قريب وبعيد .

عطني امل في شوفتك ثاني العيد
‏( ان كان مالي بأول العيد خانه )


ياللي سكنت القلب والدار دارك
ماني بـ حول العيد لو عايدوني

العيد ماهو بس عيدك مبارك
العيد والله شوفتك في عيوني

تعال نتعاتب قبل ليلة العيد
‏رغم الزعل ما ابي أعيّد بدونك .

العيد ما هو عيد من غير شوفك
‏يا بخت من هو جالس اليوم وياك

كلمات ذات صله : شعر عن العيداشعار العيدقصائد العيد

شاهد أيضاً

شعر حزين

  مقتطفات شعر عن الحزن ابيات و اشعار في الحزين تغريدات من تويتر .. نبدا …

اترك تعليقاً

لن يتم نشر عنوان بريدك الإلكتروني.

جميع الحقوق محفوظة M3kkaz.com