مجلة معكاز شعر الالكترونيه الثقافيه المنصة الالكترونية الثقافية الفريدة من نوعها تعني بنشر الشعر والأدب القديم والحديث في الساحة الشعبية الخليجية والعربية .
مقالات مشابهة
شعر عن الغبار
بحثت لكم حتى رسيت على تغريدات
اشعار في الغبار جمعتها حتى تكون في صفحه واحده
ولو انها جميعها موجوده في حسابنا على تويتر ” معكاز
شعر ”
@m3kkaz
نبدا
جعل العجاج اللي له ايام ما طاح
يدحا فواه ،، منقلين السواليف .
—
سجو ترا العجاج عمره قصيّر
ماكل عام نشوف عج وغثى صيف .
—
كلّ ماتهز الريح .. أغصان عمري
” ألقى إيدينك ذرى لهزّة الريح ”
—
الجو له شغل فالإحساس
هالشي أنا مجربه والله
فالغيم أسامح جميع الناس
وفالعج أدور على الزله .
—
واحد ٍ ما سج رجله مع الدنيا وداج
مايميز في جملها . . ولا مفرودها
والجبال الراسيه مايحركها العجاج
والليالي بيضها تختلف عن سودها .
—
ليت العجاج اللي له ايام ماراح
يدفن قلوب اهل الحسد والنميمه .
—
في غلطة الصاحب تجوز المعاذير
نشيلهـا و نحطهـا فــي كفنهـا
تروح بأطراف الهواء و المعاصيـر
جـرة مطر جاها العجاج و دفنها .
—
فات العجاج وقلت بالخير متبوع
وأثر العجاجه مـقتفيها عجاجه .
—
لاطارت العجه بريش العصافير
وصارت على ميراد الامثال لمّه
وفاضة على الساحه علوم المشاوير
لا تخطي اعلوم العجاج وتخمّه .
—
يامتعب الأقدام رايح على ويـن
مع جرةٍ جاها العجـاج ودفنهـا .
—
شفت العجاج اللي ملا جونا تو
كنه نظر عيني ليا غبت عنها .
—
مهما يجيها من صواديف واغبار
مهما حصل فيها من اللي نشوفه
اكويتنا تبقي هي .. الروح والدار
هذا الوطن .. مهما تغيّر اظروفه
—
ماكل حاجه تستحق الاقتراب
ابعد عن العالم ولو “تحبو حبو”
بعض البشر قربه يجيب الاكتئاب
مثل الغبار اللي يسبب لك “ربو”
—
القلوب الصافيه ما يكدرها الغبار
لو يثور العج بالجو تبقى صافيه
—
كلٍ يشوف إنه معه عقلٍ نظيف
ماهوب مثل عيال عمه وقْصراه
ترى الجهل مثل الغبار اللي خفيف
كلٍ يشوف العج عند اللي وراه
—
عسى الغبار اللي كسا جونا اليوم
يعقّبه من رش المطر وبل وخّيال
—
إستغفروا عن كل ذنب وخطية
والله رحيمٍ في عباده ، وغفّار
سبحانه المعطي عطاياً سخيّة
قادر يبدل موجة العج بأمطار
—
خلك مع اللي شوفته مثل الأمطار
و أطيب من التمر الحساوي مع الكيف
.
و إبعد عن اللي للقريبين و الجار
ما يشبه إلا العج عصرية الصيف
—
ما نمدح الا الطيبين المناعير
أهل النوايا الصافيه والسلميه
حتى ولو شفنا من البعض تقصير
قلنا عجاج وقافي العج ديمه .
—
مسرح العاقل خيوط الاندماج
لو تضج الناس من داخل هدى
مايضيّع صيده بوسط العجاج
ومايضيّع خوّته ، بين العدى
اثر بين الناس والناس ، المزاج
والردي طيّب ، وفالطّيب ردى !
اختلط عذب القراح بهالهماج
”وكل طيّب راس في وجهه ندى”
اثر بعض الناس راسه من زجاج .
” كل من فرّه وعبّاه ، ابتدى !! ”
—
يالله عسى تمطر عقب ماهي غبار
وتـبرق ونسمع فـي سمانـا رعدهـآ
وديـارنـا تطهـر بـ قطرات الامطار
وتـطهر صـدور يـشفي اللـه نكدها
–
لا تقول إن الزمن كله عجاج
العجاج يموت في ساعة مطر
