مجلة معكاز شعر الالكترونيه الثقافيه المنصة الالكترونية الثقافية الفريدة من نوعها تعني بنشر الشعر والأدب القديم والحديث في الساحة الشعبية الخليجية والعربية .
مقالات مشابهة
هذه مجموعة من القصائد والأشعار
عن شهر رمضان المبارك
وتتناول ترحيب واستقبال رمضان
وفيها ترحيب بالشهر الكريم واستقباله
وتناول المديح عن فضله ومنزلته بين الشهور.
تم التجميع من حسابنا في تويتر
الحساب : معكاز شعر
@M3kkaz
نبدا
السنين المسرعه بين يوم وبين ليل
من يفكّر زين فيها عرف معنى الحياه
وانت يـ الانسان لك يوم منها تستقيل
ان ماجاك العام هذا يجيك اللي وراه
لا تفرّط فـ العباده و في فعل الجميل
اجتهد في طاعة الله ترى الطاعه نجاه
والشهر ماعاد باقي منه غير القليل
استغل اللي بقى فـ التلاوه والصلاه .
—
آنت كنك بالسنه شهر رمضان
فضّله ربي على كل الشهور .
—
مانسيتك من دعاي وحر مالي
في صيام وفي فطور وفي تهجّد .
—
تبي تحس بطعم الإحساس بالربح
خصّص من أوقاتك للآيات ساعه .
—
بعد لذات الفطور ، وماكلينا
وبعد فنجالٍ من الدله شربته
ربنا ولـ رحمتك نرفع يدينا
لاتدع ذنب ٍعلينا الا غفرته .
—
الصوم صوم النفس عن لذة الذنب
في نظرتك في مسمعك في كلامك
.
لا تقصر صيامك على الأكل والشرب
نفسـك لها حقٍ .. معك في صيامك .
—
عقب الفطور وعقب شرب الفناجيل
ما عاد تلقى من الاوادم مصخن
العاشق يجر اللحن و المواويل
و عج الزقاره فوق راس المدخن .
—
مايّروق خاطري عقب الفطور
غير منطوقك ، وفنّجال قهوّة .
—
يالله عسى شهر رمضان المبارك
شاهد لنا ماهوب بـ شاهد علينا .
—
احرص على شهرٍ به الاجر والخير
الاقدار ماتدري وش اللي وراها .
—
يالربع ياللي تملكون الملايين
ياهل الذهب واهل الفلل والاراضي
تفقدوا قبل رمضان المساكين
تلقون من تصعب عليه المقاضي
فيهم فقارا صح لكن عزيزين
ما احدن على مدة ايدينه براضي .
—
مالنا بالعمر والوقت والدنيا ضمان
والزمن دوار يمشي على بطن وظهر
مابقى الا ايام ويزورنا شهر رمضان
ياكريم الوجه والجاه بلغنا الشهر .
—
يا أبوي كنت العام تحصي المكاييل
تعطي زكاة الفطر لضعوف وجياع
ٰ
واليوم هلّ الدمع من دون تأجيل
لأن الزكاة في غيبتك ناقصة صاع !
—
كان همي كيف ابارك له الشهر الفضيل
وصار همي لا اقبل العيد كيف اعايده .
—
يارب قبل الفرحه بَ جيّة العيد
اقبل لنا دعوات عشر الأواخر ..
—
اقفيت : يا ضيفٍ عزيزٍ علينا
على ودااعك ؟ باقيٍ كم ليله
ياكم دعينا ..! رافعينٍ يدينا
بإن الله يعيدك سنينٍ طويله
—
راح الشهر واللي بقى خير في خير
يا باغي الجنه ترى الخير فالعشر
هذي الليالي وسطها ليلة…. غير
وصى بها المبعوث.. هي ليلة القدر
—
تغانم العشر الاواخر وانا آخوك
وعوّض عن اللي بأول الشهر فاتك
العمر مهما طال ماهوب مملوك
يمكن تكون اخر عشر في حياتك
—
لو كنت عاصي وابتلشت بـ معاصيك
هذي ترى عشر الاواخر كفيله .
—
يارب في عشر رمضان الأواخر
أغفرلنا من كل ذنب وخطيه
نبي من الدنياء عمل لذواخر
ونعيش عيشه فالجنان العذيه
—
فالدين مافي حاجةٍ مستحيله
الله جعل لـ الدين هذا .. مفاخر
لا فاتك من الخير عشرين .. ليله
تقدر تعوّضها بـ عشر .. الأواخر
—
تغانم الفرصه وجدد حياتك
رتب على هـ الوقت مبدا ومشروع
اخذ النصيحه والتزم في صلاتك
حاول تخلي كل مرغوب ممنوع .
