مجلة معكاز شعر الالكترونيه الثقافيه المنصة الالكترونية الثقافية الفريدة من نوعها تعني بنشر الشعر والأدب القديم والحديث في الساحة الشعبية الخليجية والعربية .
مقالات مشابهة
الشاعر المعروف فلاح بن راجح العراك المطيري له العديد من القصائد متعددة الجوانب في مواضيع الشعر المختلفة.. إليكم مقتطفات من قصائد شاعرنا:
نبدأ بأبيات من قصيدة قالها شاعرنا يمتدح فيها مؤسس هذا الكيان العظيم جلالة الملك عبد العزيز بن عبد الرحمن آل سعود – رحمه الله – حيث يقول شاعرنا:
عبد العزيز اللي براسه سطاره
روس السباع اللي تحداه اكلها
تل الركاب الموجفه مع مهاره
وفتح دراويز الرياض ونزلها
ومن قصيدة يصف بها الترحال في حياة البادية من مكان لآخر.. يقول:
يابو خلف هاذي ليال المنادي
سهيل في عرض السماء شايفينه
القيض راح وجاك وقت البرادي
والماء عقب غرفه تمزع قطينه
بدالهم يوم ابرد الوقت بادي
وامسوا وتالي رايهم قاطعينه
ودكوا على علمٍ مصيبٍ وكادي
والرأي من شيخ العرب عارفينه
والزمل عجل واول الطرش قادي
وصميلهم يوم اسفروا مرتوينه
والبيض طون البيوت الجدادي
والزمل مختلطٍ ارغاه وحنينه
ومن قصائده قوله:
ترى جيبت المحار من قدرة السباح
ولاكل ناسٍ تركب الغوص سباحه
انا اعرف ذوق الماء هماجه من القراح
وندى القاع ما يبرد ضماء كبد رشاحه
عندما تقدم السن بصديقه الشاعر
الكبير سحلي العواي المطيري – رحمه الله – قام شاعرنا بزيارة له فوجده يصلي صلاة الضحى فقال هذه الأبيات الطريفة:
هالسنه ياحسين سحلي يبا الجنه
قام يبطي في صلاته وتسبيحه
عاف زينات العذارا وعافنه
والهوى كبه وسلم مفاتيحه
عقب ماخرس العيون يتمننه
انكرنه يوم شافن ادويبحه
قمت اسير يوم دين بلا منه
يوم كبر العود واقبل على الطيحه
ولو عظام الذيب الاشهب يقلنه
كان يجفل شرد الصيد من ريحه
ومن قصيدة غزلية يسند بها على الشاعر الكبير صحن بن قويعان المطيري نذكر منها قوله:
ياصحن من له رفيقٍ يشتكي له
والخبر واصلك في بطن الرساله
مل قلبٍ فيه دقاتٍ تشيله
مثل دقت عود عبد الله فضاله
من سبايب ورعةٍ جتني طويله
ياصحن قابلتها عند البقاله
جاهلٍ ماحط فوق الراس شيله
مقبلٍ سنه على تمت كماله
صوبت قلبي ولا بيدي حيله
الخطيه عندها مثل الجماله
فقد أجابه الشاعر صحن بن قويعان المطيري بقصيدة ذكر منها قوله:
يوم جاني خط كساب النفيله
كني اللي شايفٍ غالي عياله
حاضرٍ لرسالته لوهي ثقيله
مير صارت من فضل ربي سهاله
ابو راجح عاشقٍ من غير جيله
جاه من رده على عصر الجهاله
يا فلاح العشق ما يرحم قتيله
واجد اللي منه يشكي اللي جراله
لاتكاثر من خطا شقرا جديله
قبلك الهزان وقته ماصفى له
رحم الله من رحل منهم واطال الله في عمر من بقي منهم
