مجلة معكاز شعر الالكترونيه الثقافيه المنصة الالكترونية الثقافية الفريدة من نوعها تعني بنشر الشعر والأدب القديم والحديث في الساحة الشعبية الخليجية والعربية .
مقالات مشابهة
الشاعر/عبدالرحمن
عادل الشمري
مابين أطيع وبين أخشم وما طيع
شمسي بدت بأول نهاره تليّل
غريب فكر وخفت من ربعي أضيع
أحط عن ظهر المطية وأشيّل
ماقول ذقت من المرار القراطيع
واقول لاخيّل بي الشعر خيّل
مايتعبني عاتيات الزعازيع
لو كان يتعبني هبوب الشميّل
يسمحلي الغّر الضحوك المريبيع
والشمري راعي العقال الميّل
لا قلتلي بأطراف الاقصى مفاريع
عورات وأم بالعراق تويّل
سبوا نبيّي وسمموا لي مراضيع
واللي حصل من ربعنا مو قليّل
شر الموايد يوم قمنا مشابيع
على شرف دمعه عجوز وعيّل
حتّام يارباه وعقولنا جيع
وبطونا من هالمخالي تسيّل
نام الضمير وقالي يحرم البيع
قبل الندى وعقب الندى رد قيّل
ضحيه الوضع الردي بي مواضيع
خلتني انحى الفلسفه والتخيّل
شفت بعتيق البابليه فقاقيع
وانا بعرقوبه كسرت المهيّل
ياهم قلبي والعيون المداميع
من وين ماحايلتها ماتحيّل
علقت شعري في صدور المداريع
واللي زِعل راعي الوشاح المذيّل
وده أقول ان مرني لعتني ليع
لبى عيونك ياعيون الغزيّل
وأنا على كرهي لنا ودي أذيع
أحلى تحية للأمين الجميّل
شوباش ياوجه الورق والتواقيع
رقيب ذاتي طايح بي تغيّل
هبت السلام لحسبتي للمواديع
ياليلة سوده وحظن منيّل
