مجلة معكاز شعر الالكترونيه الثقافيه المنصة الالكترونية الثقافية الفريدة من نوعها تعني بنشر الشعر والأدب القديم والحديث في الساحة الشعبية الخليجية والعربية .
مقالات مشابهة
ماضاق صدرك ، ماتمادت طواريك
ما حن قلبك ، ماختليت وتذكرت ..
ماغيّر الليل العتيم ، ابمباديك !!
ماذكرك فيني وعني ، تعذرت ؟؟
ماردتك بعض المواقف لـ ماضيك ..
غلطاتنا ماجت في بالك وبررت
” عطرت انفاس الليالي بطاريك “
وٰمن الليالي والطواري تعطرت
كنت اتصوّر بس اجلس حواليك
الا صحيح ، امن التصوّر تصوّرت
خليت كل احساس فيني يناديك ..
اجمع من اشتات الزمان وتبعثرت
تناقضات الذات ، مابيك ، وابيك ..
والقاك فالنفس الكتومه ؛ ليا درت
علمتني بـ أوّلكْ .. ماقلت تاليك !!
واقنعتني بمواصلك ، ما تحذرت
لو هي على صبري من العام ناسيك !!
بس البلا بـ احساس قلبي تصبرت ..
اصبحت قانع ، عقبه امسيت ساريك
وامسيت ساري عقبه اصبحت واخترت ..
حببتني فالليل و الليل طاويك ..
واشغلت فكري في خيالك وقصرت
خلّك دقايق “واجه الحين” وشفيك
لاجيت اعاتب ، اختفيت وتبخرت !!
#بداح_الشويب
