مجلة معكاز شعر الالكترونيه الثقافيه المنصة الالكترونية الثقافية الفريدة من نوعها تعني بنشر الشعر والأدب القديم والحديث في الساحة الشعبية الخليجية والعربية .
مقالات مشابهة
مشكلتي إني ماعرفت أحسب لصدتهم حساب
قلطتهم صدري علـى ذكـري قصيـد وحنجـره
صوت يصول بمنبره وأخطاب مامثله خطاب
والطيبه اللي زعزعت صوت الخطيب ومنبره
مافيه دمع صوبوه أحبابي بوجهي وخاب
ولازرق حزنـي علـى غالـي ولا مـج الحـرة
كل الزهاب اللي معي ذكرى من أصحاب الزهاب
واللي بقالي من عذاب أشرس طريقي وأخطره
لأني تجنبت الغرق؛ عديت من فوق السحاب
لأن أكثر أصحابي ورق؛ماشفت للطيـب إثمـره
والله ماحطيت بين الحقد والخوه حجاب
حتى غدوا ربعـي يحدونـي علـى الضيـق أشكـره
أثر المصايب ماتجيك إلا من الناس القراب
وبهالزمن حتى الخـوي اللـي تثـق فيـه أحـذره
لابارك الله في رفيـق ٍ تزعلـه كلمـة عتـاب
ولاجمـع الله الرجـال اللـي تفرقهـم مـره
الصاحب اللي مايجي من صحبته غير العذاب
نذر علي إن ماهجرني وإلا أنا اللـي بأهجـره
من يفتح لفرقـاي بـاب أفـك لـه عشريـن بـاب
وأذا خويي مايقدر خوتي ما أقدره
عقب إكتئاب البارحه ماعاد أنا حمل إكتئاب
الطيب جرجرني وأنـا مانـي بناقص جرجره
اللي يخاف من الظما يترك لنا طرد السراب
واللي ماهـو بقـد الظـلام ووحشته لايسهره
أنا تجرعت الظما لين أحترق وجهي وذاب
أنـا كسـرت بخاطـري قبـل الصداقـه تكسـره
أنا أكثر إنسان تعلم من كثر ماأخطأ وصاب
أنا أخر لسـان يتكلـم فـي زمـان الثرثـره
جفني وجرّحه السهر ، حيلي وهدّت الصعاب
دمعي هدر،ضحكي ندر عمري وضيعت أكثره
شيبت بعقول العرب هيبت روس ٍ ماتهاب
جمهرت ناس عمرهم ما يعرفون الجمهره
ماصرت ذيب إلا لأن اللي تحدوني ذيـاب
مـا كنـت أغيـب إلا لأن العفـو عنـد المقـدره
ترى حلاتك لاحملت لصاحبـك كلمـة عتـاب
أن ما نطقـت بهـا بوجهـه ماتذمـه بظهـره
ودك اليامن جاتك الغلطه من الناس القراب
الصاحـب اللـي ماكسبـت محبتـه ما تخسـره.
