مجلة معكاز شعر الالكترونيه الثقافيه المنصة الالكترونية الثقافية الفريدة من نوعها تعني بنشر الشعر والأدب القديم والحديث في الساحة الشعبية الخليجية والعربية .
مقالات مشابهة
من هو بدر بن عبد المحسن بن عبد العزيز آل سعود –
Bader bin Abdul Mohsen bin Abdulaziz Al Saud
بدر بن عبد المحسن هو شاعر يعتبر من أحد المحدثين في الشعر العربي النبطي في الجزيرة العربية، قصائده تجمع ما بين قصائد الحب والرثاء والفخر والوطن،
تقلد منصب رئيس الجمعية السعودية للثقافة والفنون، بالإضافة لكونه رئيساً لتنظيم الشعر في السعودية، أحيا العديد من الأمسيات الشعرية في السعودية وبعض دول الخليج العربي،
مقتطفات من القصائد
" ابها "
كل ما كتبت أبها .. نشت فوق الأوراق
سحابةٍ .. وابتل في الصدر معلوق
أخيل بين أصابعي .. نوض براق
وكن القمر ينبت له غصون .. وعروق
شقت ثياب الليل .. عن جلد الأشفاق
لا بان لي معنى .. ولا زانت طروق
ضاع القصيد وما بقى غير الأشواق
وأحلى الشعر ما يكتب الشوق في الشوق
إن خان بي الشاعر .. فأنا جيت عشاق
وكل عاشق لا بد ما يطلب حقوق
يا سودة أبها .. خاشري كل شعاق
كبد السما لا شك لدي لي بموق
إن كان أبو بندر على الوصل سباق
لي الفخر .. إني من الشيخ مسبوق
لأجلك عسير .. أزعلت خلاني فراق
جيتك .. ودونك أشهب القاع مشقوق
لي ديرةٍ خدانها مثل الآفاق
فاطرافها .. وديان .. وجبال .. وعروق
وحّد ما بين ترابها .. دين وأخلاق
وفرّق شمل عدوانها .. كفر وعقوق
ويقول في قصيدته المغناه
أبعتذر عن كلِّ شي
إلا الهوى ما للهوى عِندي عذر
و أبعتذر عن كلِّ شيء
إلا الجراح ما لِلجراح إلاَّ الصَّبر
و إن ضايقك إنَّي على بابك أمرَّ ..
في ليلة ألم
و إنَّي على دربك مشيت عُمري و أنا ..
قلبي القدم
أبعتذر كلَّي ندم
أبعتذر عن كلِّ شيء إلاَّ الهوى
ما للهوى عِندي عُذر
تصدَّقي ما أخترت أنا أحبَّك ما أحدٍ يحب الَّلي يبيياحُبي المُرَّ العذبسكنتي جروحي غصبليت الهوى و إنتي كذب كان أعتذر لِك عن هواي و ما أقول أنا .. كوني معاي
الله كريم حبَّك يكونجرحي القديم و همَّي القديمو الله عليم يا أحلى العيونإن الفراق جزا الفراق أبوعدك كان الطريق بيبعدك بأمشي الطريقو بوعدك كان الجحود بيسعدكمالي رفيقأبجمع أوراق السنين .. و أودَّعك كان الفراق الَّلي تبين .. الله معك
ويقول في قصيدته
يا قمر ليل حايل.. شق ستر السحاب
لجل نسمر بنورك.. لين وقت السحر
غط رمل النفود بفضتك والهضاب
واسكب الضي.. يجري فالاديرع نهر
غرد الصوت وغني بالقوافي العذاب
كن بقعا قصيد وكن جبه وتر
يا هلا.. يا هلا بك يا عزيز الجناب
يا قريب لشعبك.. يا بعيد النظر
يا ملك كل غاليٍٍ فوق هذا التراب
ويا بعد كل غالي في جميع البشر
انت ريف الضعيف وبلسم للصواب
وانت عطفك غدير وقو عزمك صخر
يابو متعب نحبك لا يطول الغياب
لو تواضعت حنا فيك تهنا فخر
ويابو متعب حملت همومنا والعذاب
وحقنا اليوم ندعي لك بطول العمر
ويا قمر ليل حايل وان نويت الغياب
ضيفنا اليوم.. شمس بلادنا والقمر
ويقول في قصيده مغناه
من رماد المصابيح .. اللي انطفت في الريح
جيتك أنا وقلبي ..
ومن سهاد المواويل .. وباقي قصيد الليل
جيتك قمر دربي ..
فيني تعب .. لا والله أكثر
حالي صعب .. لا والله أكثر
وكنتي الحبيبة والصديق .. واللي خذتني من الطريق
وسكنتني أهدابها ..
في قلبي شوك .. وفي عيوني شوك
شوفي أصابعك انزفت .. من كثر ما لمست جروحي وجففت .. دمعي الحزين ..
في صوتي ليل .. وفــ صمتي ليل ..
وانتي الليالي اللي حلفت ..
تشعل نجومي بالظلام اللي انطفت .. من هالسنين
فيني تعب .. لا والله أكثر
حالي صعب .. لا والله أكثر
وانتي الحبيبة والصديق .. واللي خذتني من الطريق
وسكنتني أهدابها ..
ياللي أغلى من سنيني ..
ناظريني لين تحسدني العيون ..
وان حكوا حسادي فيني ..
وقالوا انك تعشقيني ..
آه يا محلا السوالف والظنون ..
ليتهم ما يسكتون ..
ولما تسقيني الغرام ..
اسري بالنور والظلام ..
واتركي كل الكلام ..
انتي الحبيبة والصديق ..
واللي خذتني من الطريق ..
وسكنتني أهدابها ..
هنا نكتفي بقطره من بحر .
