سليمان مانع عجاج الكره العنزي
كنيته أبو روز
سنة الميلاد 1967 م تقريبا
قصيدة صباح الدلعنه – سليمان المانع
صباح الخير يا أجمل صباحاتي على الاطلاق
جميل الصبح لكنه غدا مع ضحكتك أجمل
يشاركني غلا وجه يكسر نومته ما فاق
على نور لثم خدك لثم حتى بغيت أثمل
صباح القهوة المرة وبقايا من سهرك أوراق
صباح أحلى السمر بالكون وخل اللي زعل يزعل
صباح الخوخ يا خوخة صباح مراهق الدراق
صباح القرمز الغافي رعيته وأن تماريت اجهل
صباحي شوق كم نمتي كأني لي عمر مشتاق
هي الساعة يا ستي ست أو أني صاير احول
تثاقل شمسنا الخطوة تسرح شعرها مشراق
يقلد بعضها نعاسك ولكنه يضل اثقل
صباح الضحك والنكته عسل لو يزعل السواق
شربها مثل ما قبله شربها جاهل أثول
صباح الدلعنه عالصبح تجي مثل المطر رقراق
يشع العطر بالدنيا غنى ليت الطريق اطول
صباح الحلم يا وجه طفولي يسرق الافاق
هو الاكرم بهالدنيا بهالدنيا هو الابخل
أحبك يا صباح الحب ولا يروي ضماي عناق
واشوف الظرف روضني بديت لرفضته اجمل
قصيدة اموت فيك – سليمان المانع
دعوات عده بينهن دعوة غير
ومن يوم قالواغيرمافيه غيرك
من فرحتي عجزت ألم التعابير
ياكويت شكراكثر الله خيرك
يادرة العقد الخليجي مسا الخير
يعز شعبك يحفظ الله اميرك
والله زمان..منوره..حن لك طير
الله يتمم فرحتك في اسيرك
كافك كرم واوك وطن للعصافير
يائك يد أم الله يناحر نحيرك
وتائك ترى قبل أوصفه تاء تنوير
رغم جهل جار عمى يستثيرك
وحنا.. أول اخوه قل:قبل جدنا الزير
نذيرنايادم واحدنذيرك
قبل الذهب والنفط قبل الدنانير
نعادي معادينك وننصرنصيرك
سعودي كويتي..تنتهي لابغا يصير
شي عسى هو مايصيرويجيرك
شعور مولاي الفهد خير تعبير
لك غير غيرك منهل القلب بيرك
بكل(( السعوديين)) من كبير لكبير
لكبيرك أصدق عاطفه ولكبيرك
والحمد لله أمن فرحه وتحرير
وصرتي مثل ورده يجنن عبيرك
شاعروأحبك باتغزل بك يصير
اموت فيك من أولك لين اخيرك
قصيدة مابيه – سليمان المانع
يارب حطوا كل عيب العرب فيه
كل الخفايا والنوايا وماضيه
طفل غريب استعذب الحزن والتيه
كانت وطن لاصدق قصايد منافيه
أحيان مايقصد كلامه ويعنيه
كان ال..يحسه يكتبه،كنت اجاريه
والركب ضج من ارتكابه مباديه
بثلج الكلام السمج.. بلو محانيه
يمكن حسده فلان وفلان يرثيه
والبعض قالان الصدى ضعف اغانيه
بسيط حد المهزله وانسطح ليه
وجوه تحبه ياغرابه وتشنيه
تزعل اذا عيا خطاها يقديه
ومثله معرض لألف واحد يماشيه
يارب عينه،حتى انا صرت مابيه
قصيدة سلامة قلبك الأصفى – سليمان المانع
شفيت مني أبشفى منك..كيف اشفى
واذا حصل لي ابشفى من حالي
معافى حبيبي سلامة قلبك الأصفى
“من زاكي الما وانا عله يورالي
ياما عطاني وقال اعطيت له واقفى
مايدري اني(…..)ولايدري بموالي
بي جن ابن كلب لايكشف ولايخفى
واليني أول جهلته وانت الاولى لي
أنا التعب وانت يالأجمل ويالأوفى
حملك تعب روح معذور من احمالي
ماقلت تكفى ولاني قايل تكفى
هذا انت غالي قريب وتبتعد غالي
الصورة بذهني تقول ارجوك لاتجفى
تاقف قبالك تجاهل تاقف قبالي
تجر حلم تأسطر فيك لين أضفى
هيبة زبيده عليها..وانكسر والي
بغيت اجنب،وعيا الطرف لايغفى
بغيت احبك ولكن ماتهيالي
وانا متعود خطاي ان حل مايرفى
تلقى اوله بس لاتبحث عن التالي
ظليت تايه واغني وانسج المنفى
وطن،وأرهن على الله ثم يافالي
لعنة بداوة واذوب بثلجها مادفى
تفرعنت بي وانا من خلقتي جالي
مشفاك؟هين انا اللي وين لي مشفى
“ومابيك يعني تحمل هم غربالي
مو من فراقك صواب الشلع من شلفا
من يد مغل بحرقة ثار قتالي
بخير أذكرك وانت لوتقتل باقول أعفى
لكن دخيلك دخيلك روح من بالي
قصيدة طفولة حزينة – سليمان المانع
كانت طفوله محزنه كنت انا جن
كانت تعيسه بس كانت طفوله
العب ولكن لا اتراجع ولا اكن
ماجا على بالي لعبته واقوله
احكام لا هي لا باماكن ولا سن
طيش تحدا المرحله في نحوله
كان وفطن قلبي وانا كان بي ظن
ان القرايه مثل مافسروله
طفل يتفرعن لا لفت وان غفت عن
والشمس كانت تستهيج بذبوله
ماكان له دوله سوى الحزن والفن
ويظن نفسه يلعن الظن دوله
بقلوب حوله كان يكتب بلا من
واليوم وش يكتب ؟ ولا قلوب حوله
كان امس فيه اطول من الصبر والعن
الله يذاك الوقت يا زين طوله
ياريح قولي للقصب ياقصب غن
دام الطبيعه بالحنين مغسوله
حزنه شمالي مدمي والولد حن
ضلوعه تبرا من بعضها جفوله
يعني اذا جضت ربابه ولا ون
وتسابقن يمكن يموت بسهوله
مبطي الفرح مشلول لو يضحك السن
ومبطي البكا يابس على الجفن زوله
ما بن وجه بكفها ولا انقرا بن
ومن يومها زل الكلام معسوله
قصيدة بسمة نظر – سليمان المانع
شايف دها حوا المعتق على اصول
خلاني اصل للسحاب وحذفني
لدت وهدت لين حسيتها تقول
شفتك وهديت الخطاوي وشفني
وانا خويك قلت ماهوب معقول
نسيت ورضيت وقتها من يصفني
عاتبت نفسي بين واعي ومذهول
ورميت لك في بحر هالسود سفني
كم كنت قاتل قلت كم كنت مقتول
من صوبت صدر الحنين ونزفني
وشكبر عذري فرحتي بس اناحول
بقيت الأول وانت ساذج ياجفني
تغيرت ماهو دلع بنت وزعول
تبي بعد عمر طويل تعسفني
دوب اتلاحق واصلق القوم بالقول
معيوفة توحي للانظارعفني
أنا أقترفت الذنب الاول ومسؤول
لا والهوى صادف جهل واقترفني
العود انالطفل وعلى خبرها الغول
العود انا ماكل بنت تعزفني
الريح انا ماعاند الريح غرمول
بارجع بكل أشياءها تكتشفني
باسهر على العناب واسهر اللول
وابرد ونفس أنفاسها تلتحفني
بس اعترف في عظمة لساني اقول
لها علي وحده والايام تفني
غنج وجرجرني وسايست مشغول
برمش يقول اياك الاخر.. وخفني
بسمة نظر مني وصدت على طول
ماكنها بنت الحرام تعرفني